Мәзірді көрсету Іздестіру
БАҚ біз туралы
Қазақстан Республикасы Индустрия және инфрақұрылымдық даму министрлігі

You are here

Жаңалықтар

1511/18
Казахстан присоединился к Ашхабадскому соглашению

Қазақстан Ашхабад келісіміне қосылды

Қазақстан Республикасы «Иран Ислам Республикасы, Оман Сұлтандығы, Түркіменстан және Өзбекстан Республикасы Үкіметтері арасындағы халықаралық көлік және транзит дәлізін құру туралы» келісімге (Ашхабад келісімі) қосылды.

Қазақстан Республикасының Ашхабад келісіміне қосылуы туралы тапсырма Қазақстан Республикасының Президенті мен Иран Ислам Республикасы Президентінің 2014 жылғы 8-9 қыркүйектегі кездесу қорытындысы бойынша берілген.

Сонымен қатар, Мемлекет басшысы ұсынған «100 нақты  қадам» ұлт жоспарының 65-ші қадамын «Қазақстанды халықаралық көліктік-коммуникациялық ағындарға интеграциялауды» іске асыруда Қазақстанның аталған келісім мүшелерімен ынтымақтастығы аса маңызды.

Қазақстан Республикасының аталған келісімге қосылуын Ашхабад келісімінің барлық тарап-құрылтайы мақұлдады.

Жобаны жүзеге асыру халықаралық көлік дәліздері – қазақстандық учаскеде  Солтүстік-Оңтүстік, сонымен бірге Орталық трансазиялық теміржол дәліздерінің дамуына, сондай-ақ, Парсы шығанағы порттарына шығуына және Қазақстан Республикасының жалпы транзиттік әлуетін одан әрі дамытуға оң серпін береді.

Фото ашық ақпарат көзінен


Біздің жаңалықтарымызға жазылғыңыз келеді ме?

© 2019

Қазақстан Республикасы Индустрия және инфрақұрылымдық даму министрлігі

Транзитті және көлік логистикасын дамыту департаменті